ग्रामपंचायत काळबादेवी, ता. रत्नागिरी, जि. रत्नागिरी.

पूर्वी या गावाचे नाव पुसाळे असे होते. काळबादेवी गावामध्ये मुख्यत्वे भंडारी समाज वास्तव्य करतो. सुमारे ५०० ते ५५० वर्षांपूर्वी भंडारी समाज येथे स्थायिक झाला. प्रत्येक समाजाचे एक कुलदैवत असते, आणि या समाजाने आपले कालिका देवी हे कुलदैवत येथे स्थापन केले.

प्राचीन काळापासून येथे असलेल्या रामेश्वर मंदिराच्या शेजारी या देवीचे मंदिर बांधण्यात आले. कालांतराने या पुसाळे गावाचे नाव बदलून कालिका देवीवरून "काळबादेवी" असे झाले. अशा प्रकारे काळबादेवी गावाचे नाव आणि ओळख या देवीच्या नावाशी घट्टपणे जोडलेली आहे.